A Autoridade Portuaria adxudica a COVSA a obra de pavimentación no peirao de Ferrazo Norte
A actuación dotará á zona dunhas condicións idóneas para as operativas portuarias que teñen lugar nesa área
O Consello de Administración da Autoridade Portuaria acordou en sesión ordinaria celebrada esta mañá adxudicar á empresa Construcións, Obras e Viarias, S.A. (COVSA) a obra de pavimentación no peirao de Ferrazo Norte, cun orzamento de adxudicación de 502.122,69 € (sen IVE) e un prazo de execución de 4 meses.
Ao procedemento aberto pola Autoridade Portuaria presentáronse sete empresas, aínda que dúas delas foron excluídas por non cumprir os requisitos esixidos no procedemento de licitación. Das ofertas restantes, COVSA presentou a de menor importe. Ao estar a súa oferta incursa en presunción de anormalidade polo baixo prezo ofertado, o licitador tivo que xustificar este feito, sendo a documentación achegada analizada tecnicamente, e concluíndose que a oferta é economicamente viable.
Por conseguinte, a mesa de contratación decidiu aceptar a súa oferta, e propoñer ao órgano de contratación a adxudicación do o contrato a Construcións, Obras e Viarias, S.A. (COVSA), por importe de 502.122,69 €, IVE excluído.
A nova pavimentación dotará a unha superficie de aproximadamente de 4.750 m2 dun firme consistente en pavimento de formigón. Desta maneira, executaranse as actuacións necesarias para regularizar a devandita superficie adecuando a zona e dotándoa dunhas condicións idóneas para as operativas portuarias que teñen lugar nesa área.
Porto de Vilagarcía, 31 de xullo de 2025.
Vilagarcía pechou a tempada de cruceiros cun incremento do 78% no número de pasaxeiros con respecto a 2021
O Porto de Vilagarcía pecha a tempada de cruceiros 2022 mellorando de maneira considerable as súas cifras de número de pasaxeiros, con relación aos anos inmediatamente anteriores.
O Porto de Vilagarcía recibe por primeira vez na súa historia un cruceiro con máis de mil pasaxeiros a bordo
O "Marina", que xa recalou no porto arousán o pasado ano, repite visita. O buque da naviera Oceania Cruises realizará unha escala de 10 horas de duración
O porto recibe a escala do “Hebridean Sky”, o primeiro dos dous cruceiros previstos para setembro
A bordo do buque, pertencente á navieira Noble Caledonia, viaxan 84 pasaxeiros –na súa meirande parte, de nacionalidade británica- e 71 tripulantes