O porto de Vilagarcía recibe hoxe a escala do cruceiro “Amadea”
O buque, con 461 pasaxeiros a bordo, arribou a Vilagarcía ás 13.00 horas e a súa saída está prevista para as 20.00 horas
O porto de Vilagarcía recibiu a escala do cruceiro “Amadea”. Desde as 13.00 horas aproximadamente, o buque –procedente de Lisboa- atópase amarrado no peirao de Ferrazo Norte, onde permanecerá ata as 20.00 horas, cando ten prevista a súa saída cara a Portsmouth.
O “Amadea” é un cruceiro con bandeira de Gran Bahamas e case 193 metros de eslora, operado pola navieira “Phoenix Reisen”. A bordo viaxan un total de 461 pasaxeiros, na súa gran maioría de nacionalidade alemá, e 321 tripulantes. Para facer máis cómoda a estancia en Vilagarcía dos pasaxeiros que permanezan na cidade, a Autoridade Portuaria pon á súa disposición un servizo lanzadeira que conecta o peirao coa Oficina Municipal de Turismo.
O “Amadea” xa visitara anteriormente o noso porto, concretamente a súa última visita foi no ano 2022. Coa de hoxe son cinco as escalas de cruceiro que recibiu o porto neste ano.
Porto de Vilagarcía, 2 de decembro de 2025.
Porto de Vilagarcía pecha o mellor primeiro semestre do ano de toda a súa historia, superando as 775.000 toneladas de tráficos
As cifras de xuño, con máis de 150.000 toneladas de mercadoría, impulsaron os rexistros do primeiro semestre deste exercicio
A Autoridade Portuaria aproba a cesión ao Concello de Vilagarcía dunha nave para actividades e ensinanzas náuticas y deportivas
Tamén se iniciou o procedemento para a venda á administración local da antiga Comandancia, unha vez aprobada a súa desafectación
A Autoridade Portuaria de Vilagarcía renova a súa colaboración coa Fundación Galega contra o Narcotráfico
O presidente do Porto, José Manuel Cores Tourís, reuniuse esta mañá co presidente e o xerente da Fundación