O porto recibe ao Hebridean Sky, primeiro cruceiro da tempada
A pasaxe está composta por aproximadamente cen persoas, na súa práctica totalidade de nacionalidade británica
O porto de Vilagarcía abre hoxe a tempada de cruceiros coa escala do “Hebridean Sky”, da navieira Nobre Caledonia, un cruceiro de 90 metros de eslora e bandeira de Gran Bahamas. O buque atracou esta mañá no peirao de Ferrazo Norte con 104 pasaxeiros a bordo, na súa práctica totalidade de nacionalidade británica, e 73 tripulantes.
O “Hebridean Sky” efectuou a súa entrada ás sete e media da mañá, procedente do Porto, e deixará o porto arousán ás seis e media da tarde, con destino A Coruña. O buque comezou o seu itinerario en Málaga o día 1 de maio e finalizarao en Portsmouth o sábado, día 11 de maio. O descubrimento de pazos da contorna de Vilagarcía, coa súa riqueza patrimonial e paisaxística, é unha das actividades das que a pasaxe poderá gozar durante esta escala.
Durante a súa estancia no noso porto, tripulantes e pasaxeiros poderán desprazarse comodamente ata o centro mediante un servizo lanzadeira entre o peirao e o centro urbano prestado polo tren turístico. Tamén se instalou a pé de peirao un punto de atención ao visitante atendido por persoal da propia Autoridade Portuaria.
Neste mes de maio está prevista a chegada doutros dous cruceiros ao porto de Vilagarcía.
Porto de Vilagarcía, 6 de maio de 2024.
O mellor mes da súa historia, con case 160.000 toneladas movidas, permite ao porto pechar o semestre cunha subida de tráficos do 7,5%
En total, nos seis primeiros meses do ano movéronse 760.000 toneladas de mercadoría, fronte a 707.000 do pasado ano
A asociación de traballadores da Autoridade Portuaria “Crucelas” organiza diversos actos con motivo da festividade do Carmen
Haberá dos días de actividades, abiertas al público general y gratuitas
A Autoridade Portuaria aproba sacar a licitación unha obra de pavimentación no peirao de Ferrazo Norte
Os traballos teñen un orzamento de case 718.000 euros