O porto de Vilagarcía recibe hoxe a escala do cruceiro “Amadea”
O buque, con 461 pasaxeiros a bordo, arribou a Vilagarcía ás 13.00 horas e a súa saída está prevista para as 20.00 horas
O porto de Vilagarcía recibiu a escala do cruceiro “Amadea”. Desde as 13.00 horas aproximadamente, o buque –procedente de Lisboa- atópase amarrado no peirao de Ferrazo Norte, onde permanecerá ata as 20.00 horas, cando ten prevista a súa saída cara a Portsmouth.
O “Amadea” é un cruceiro con bandeira de Gran Bahamas e case 193 metros de eslora, operado pola navieira “Phoenix Reisen”. A bordo viaxan un total de 461 pasaxeiros, na súa gran maioría de nacionalidade alemá, e 321 tripulantes. Para facer máis cómoda a estancia en Vilagarcía dos pasaxeiros que permanezan na cidade, a Autoridade Portuaria pon á súa disposición un servizo lanzadeira que conecta o peirao coa Oficina Municipal de Turismo.
O “Amadea” xa visitara anteriormente o noso porto, concretamente a súa última visita foi no ano 2022. Coa de hoxe son cinco as escalas de cruceiro que recibiu o porto neste ano.
Porto de Vilagarcía, 2 de decembro de 2025.
XV Bandeira de Bateis Porto de Vilagarcía celébrase este sábado en augas de Vilaxoán
O Club de Remo Vilaxoán, organizador da proba, prevé a participación dunhas 500 persoas nesta oitava proba do calendario de bateis
El incremento de tráficos en febrero permite al puerto arousano recortar distancias con respecto a sus registros de 2022
Os datos foron presentados polo presidente na sesión do Consello de Administración celebrada esta mañá
Presidente de Autoridade Portuaria e alcalde asinan a compravenda da parcela da antiga Comandancia
Tourís apuntou que a Autoridade Portuaria está disposta a seguir colaborando con iniciativas e proxectos que redunden en beneficio de Vilagarcía e os vilagarciáns