O Consello de Administración da Autoridade Portuaria de Vilagarcía aprobou na sesión ordinaria celebrada esta mañá a ordenanza portuaria de seguridade viaria e control de actividades e ocupacións na zona de servizo terrestre do porto de Vilagarcía de Arousa.

A Autoridade Portuaria de Vilagarcía acaba de sacar a licitación a elaboración do seu Plan Estratéxico para o período 2027-2037. O alcance desta asistencia técnica é a investigación, estudo, formulación e redacción da estratexia de futuro a seguir pola Autoridade Portuaria de Vilagarcía.

Publicación no Boletín Oficial do Estado da Resolución da Autoridade Portuaria de Vilagarcía de Arousa e a súa Ría, pola que se anuncia a convocatoria do concurso público para o outorgamento dunha concesión con destino á explotación da edificación do faro de Punta Cabalo e a súa superficie anexa, no municipio da Illa de Arousa, co obxecto de desenvolver actividades de restauración.

Anuncio BOE

O porto de Vilagarcía acaba de pechar o mellor primeiro trimestre do ano da súa historia. Con cifras aínda provisionais, o movemento de mercancías nos tres primeiros meses de 2026 foi de 391.701 toneladas, o que supón un incremento do 1,8% con relación ao ano 2022, ao que corresponde a anterior marca. Nese ano, o movemento de mercancías no primeiro trimestre do ano ascendera a 384.702 toneladas. Na comparativa co ano 2025, a diferenza porcentual é máis salientable, do 9,8%. 

O Consello de Administración da Autoridade Portuaria de Vilagarcía, reunido esta mañá en sesión ordinaria, aprobou o expediente de contratación e apertura do procedemento de adxudicación dunha obra de pavimentación no peirao do Ramal. O orzamento basee de licitación é de 1.482.530,97 € (iva incluído) e o prazo de execución, dez meses. 

Os bateis teñen esta fin de semana unha cita en Vilagarcía coa disputa das primeiras probas da tempada na provincia: trátase da bandeira “Porto Vilagarcía”, que alcanza a súa edición número 18, e a bandeira “Conservas Orbe”, que se estrea no calendario. Os dous eventos foron presentados esta mañá nun acto celebrado na Autoridade Portuaria de Vilagarcía. 

O Porto de Vilagarcía acaba de pechar o segundo mellor exercicio da súa historia, cun tráfico portuario de1.547.965 toneladas en 2025, só 5.000 toneladas por baixo do seu récord, establecido en 2023. Con relación ao pasado ano, o incremento de tráficos portuarios foi do 9,4%, grazas sobre todo aos incrementos nas categorías de graneis líquidos e mercadoría xeral. 

A Autoridade Portuaria de Vilagarcía pechou o mes de novembro superando xa a súa cifra de tráficos portuarios do pasado exercicio. O movemento de mercadorías acumulado nos once primeiros meses do ano ascendeu a 1.421.075 toneladas, mentres que o ano 2024 pechouse cun tráfico total de 1.409.823 toneladas. O presidente da Autoridade Portuaria, José Manuel Cores Tourís, deu traslado deste balance provisional de tráficos aos membros do Consello de Administración da Autoridade Portuaria na sesión celebrada esta mañá.

O porto de Vilagarcía recibiu a escala do cruceiro “Amadea”. Desde as 13.00 horas aproximadamente, o buque –procedente de Lisboa- atópase amarrado no peirao de Ferrazo Norte, onde permanecerá ata as 20.00 horas, cando ten prevista a súa saída cara a Portsmouth. 

A conselleira do Mar, Marta Villaverde, realizou hoxe a súa primeira visita institucional á Autoridade Portuaria de Vilagarcía, dentro da rolda de reunións que está a manter cos máximos responsables das autoridades portuarias da nosa comunidade. Villaverde destacou a importancia deste tipo de encontros, xa que serven para consolidar as liñas de traballo existentes e explorar novos horizontes que repercutan no desenvolvemento e a competitividade das infraestruturas portuarias.