O porto recibe por vez primera ao “World Voyager”
Por tratarse da súa primeira escala en Vilagarcía, realizouse un intercambio de metopas entre o capitán e o presidente da Autoridade Portuaria
Portuaria O porto de Vilagarcía está a recibir hoxe xoves o segundo cruceiro desta tempada. Trátase do “World Voyager”, que recala por primeira vez no porto arousán. O buque arribou a Vilagarcía á sete da mañá, procedente do Porto, e realizará a súa saída ás seis da tarde con destino Nantes. A bordo viaxan 280 persoas, aproximadamente, entre pasaxe e tripulación.
Para conmemorar a primeira escala en Vilagarcía, ás 11 da mañá tivo lugar no buque un acto de intercambio de metopas entre o presidente da Autoridade Portuaria, José Manuel Cores Tourís, e o capitán do buque.
O “World Voyager” é un cruceiro exclusivo, con 126 metros de eslora e bandeira de Portugal. A escala no noso porto dará ao pasaxe oportunidade de coñecer diversos atractivos turísticos do municipio e a comarca.
. Este é o primeiro dos dous cruceiros previstos para esta semana, xa que leste mesmo domingo arribará a porto o “Hebridean Sky”, xa coñecido nos peiraos arousáns debido a que esta será a súa quinta escala no últimos catro anos.
Porto de Vilagarcía, 29 de maio de 2025.
Alleamento por adxudicación directa da Draga Aldamiz
Resolución do Presidente da Autoridade Portuaria de Vilagarcía de Arousa do 3 de setembro de 2024, pola que se inicia o procedemento para o alleamento por adxudicación directa da embarcación Draga Aldamiz.
O Consello de Administración da Autoridade Portuaria aproba as contas do exercicio 2023, cun beneficio de 468.998,48 euros
O organismo tamén deu o seu visto e prace á firma dun convenio coa Xunta para a rehabilitación integral da estación marítima no Peirao de Pasaxeiros
A Autoridade Portuaria de Vilagarcía renova as súas certificacións ISO de xestión de calidade, ambiental, e seguridade e saúde no traballo
As certificacións estarán vixentes ata 2027, debéndose superar unha auditoría anual de seguimento para o seu mantemento.