O porto de Vilagarcía recibe hoxe a escala do cruceiro “Amadea”
O buque, con 461 pasaxeiros a bordo, arribou a Vilagarcía ás 13.00 horas e a súa saída está prevista para as 20.00 horas
O porto de Vilagarcía recibiu a escala do cruceiro “Amadea”. Desde as 13.00 horas aproximadamente, o buque –procedente de Lisboa- atópase amarrado no peirao de Ferrazo Norte, onde permanecerá ata as 20.00 horas, cando ten prevista a súa saída cara a Portsmouth.
O “Amadea” é un cruceiro con bandeira de Gran Bahamas e case 193 metros de eslora, operado pola navieira “Phoenix Reisen”. A bordo viaxan un total de 461 pasaxeiros, na súa gran maioría de nacionalidade alemá, e 321 tripulantes. Para facer máis cómoda a estancia en Vilagarcía dos pasaxeiros que permanezan na cidade, a Autoridade Portuaria pon á súa disposición un servizo lanzadeira que conecta o peirao coa Oficina Municipal de Turismo.
O “Amadea” xa visitara anteriormente o noso porto, concretamente a súa última visita foi no ano 2022. Coa de hoxe son cinco as escalas de cruceiro que recibiu o porto neste ano.
Porto de Vilagarcía, 2 de decembro de 2025.
Alleamento mediante pública poxa do buque Doutor Pintado
Resolución do Consello de Administración da Autoridade Portuaria de Vilagarcía de Arousa de 31 de xullo de 2025, pola que se acordou declarar abandonado un buque tipo remolcador con nome Doctor Pintado
A Autoridade Portuaria adxudica a COVSA a obra de pavimentación no peirao de Ferrazo Norte
A actuación dotará á zona dunhas condicións idóneas para as operativas portuarias que teñen lugar nesa área
A terminal de contedores de Boluda no porto de Vilagarcía experimenta o mellor xuño da súa historia por número de TEUS movidos
No acumulado do primeiro semestre do ano mellóranse as cifras tanto en TEUS (+2,6%) como en toneladas (+5,4%) con respecto ao pasado exercicio.