O Consello de Administración aproba a formulación da modificación puntual do Plan Especial do Porto
No balance de tráficos portuarios o primeiro trimestre do ano péchase provisionalmente cun incremento do 9% con relación ao mismo periodo do pasado ano
O Consello de Administración da Autoridade Portuaria de Vilagarcía, reunido o 27 de marzo en sesión ordinaria, aprobou a formulación da modificación puntual do Plan especial do Porto de Vilagarcía para a súa correspondente tramitación urbanística.
O obxecto da modificación é incorporar ao Plan especial as superficies que se xeraron nos peiraos Comercial e de Ferrazo (23.173,53 m² e 66.802,08 m² respectivamente) coa execución das obras previstas no Plan Director do Porto de Vilagarcía aprobado no ano 2002, e adaptar as determinacións urbanísticas e condicións de aproveitamento e volumetría á realidade actual do Porto. Os usos desas zonas xa estaban previamente definidos a través da Delimitación de Espazos e Usos Portuarios (DEUP).
O seguinte paso na tramitación da modificación puntual será a presentación da proposta #ante ao Concello de Vilagarcía, que é o órgano encargado da súa tramitación.
Por outra banda, o presidente presentou aos membros do Consello un informe provisional de tráficos do primeiro trimestre do ano, a falta duns días para o seu peche. Mantense a positiva evolución dos tráficos, xa que o período xaneiro-marzo pecharase cun incremento de tráficos do 9% con relación ao mesmo período do pasado ano. O total de toneladas movidas ascende a 356.404, case 30.000 máis que no primeiro trimestre do pasado exercicio.
Por categorías, os graneis líquidos achegan 68.646 toneladas a este balance, fronte ás 54.882 do mesmo período do pasado ano. Nesta categoría o aceite é o primeiro produto por número de toneladas.
Nos graneis sólidos o incremento é máis moderado pero igualmente pecha o trimestre en positivo, cunha subida porcentual do 11,3% e un total de 92.918 toneladas. Encabezan esta estatística cereal e urea, seguidos do cemento por instalación. Destaca tamén a achega dos produtos encadrados no epígrafe “outros graneis sólidos”.
Finalmente na categoría de mercadoría xeral o peche provisional do trimestre apunta a unha subida do 3,2%, rozándose as 195.000 toneladas neste período. O taboleiro é o produto con maior incremento porcentual e o aluminio encabeza a estatística por número de toneladas movidas.
Porto de Vilagarcía, 27 de marzo de 2025.
Os tráficos do porto de Vilagarcía manteñen a súa boa progresión a e as mercadorías medran un 25% nos dous primeiros meses do año
O crecemento porcentual dos tráficos no porto arousán é o terceiro maior de todo o sistema portuario
Os tráficos do porto de Vilagarcía medran un 40% en xaneiro, consolidando o incremento co que pechou o pasado exercicio
O total de tráfico portuario no primeiro mes do ano ascendeu a 136.585 toneladas, cunha subida de máis do 60% no movemento de graneis sólidos
A Autoridade Portuaria pecha o ano 2021 cun récord histórico: máis de 1,5 millóns de toneladas movidas e un incremento do 25%
Batéronse máximos anuais en cinco produtos. O movemento de mercadoría xeral superou as 800.000 toneladas. o que supón 150.000 máis que o seu anterior máximo anual.