A Autoridade Portuaria saca a licitación a elaboración do seu plan estratétxico para eoperiodo 2027-2037

A Autoridade Portuaria saca a licitación a elaboración do seu plan estratétxico para eoperiodo 2027-2037

O servizo contratado abarcará desde a fase inicial de planificación e organización dos traballos, ata a aceptación por parte da Autoridade Portuaria de Vilagarcía dos estudos e entregables esixidos no contrato.

A Autoridade Portuaria de Vilagarcía acaba de sacar a licitación a elaboración do seu Plan Estratéxico para o período 2027-2037. O alcance desta asistencia técnica é a investigación, estudo, formulación e redacción da estratexia de futuro a seguir pola Autoridade Portuaria de Vilagarcía. Esta estratexia sentará as bases da planificación da Autoridade Portuaria desde os puntos de vista de gobernanza, negocio, contorna física, política comercial, económica-financeira, organizativa, de relación co tecido empresarial, sociedade, medioambiental, sustentabilidade, tecnolóxico e de mobilidade, así como de calquera outro aspecto que puidese derivarse da análise realizada.

O documento definirá unha revisión da súa misión, visión, valores, factores clave de éxito, principais eixos estratéxicos, obxectivos estratéxicos a alcanzar, proxectos estratéxicos a desenvolver e os plans de acción necesarios para o despregamento estratéxico e o seu control de execución..

O servizo contratado abarcará desde a fase inicial de planificación e organización dos traballos, ata a aceptación por parte da Autoridade Portuaria de Vilagarcía dos estudos e entregables esixidos no contrato.

Co novo Plan Estratéxico a Autoridade Portuaria poderá contar cun instrumento actualizado e de planificación eficaz, que lle permita afrontar con éxito os novos desafíos e desenvolver correctas políticas portuarias, de investimentos, comerciais, de organización, servizos e de recursos humanos, mediante a orientación das súas actividades empresariais cara ao desenvolvemento dunha cultura de xestión enfocada ao negocio e á satisfacción do cliente. O documento incluirá propostas estratéxicas para o Porto desde o punto de vista comercial, loxístico, industrial, turístico e de uso cidadán. Considerarase e aplicará o modelo de desenvolvemento estratéxico do Marco Estratéxico dos Portos de Interese Xeral. 

O orzamento basee de licitación é de 120.000 euros e as empresas interesadas teñen de prazo ata o 10 de outubro para a presentación das súas propostas. Unha vez adxudicados os traballos, a empresa adxudicataria dispoñerá dun prazo de 9 meses para a redacción do Plan e a documentación anexa requirida no prego de prescricións técnicas. 

Porto de Vilagarcía, 28 de setembro de 2026.
 

Vista de los muelles de Comboa y Comercial, con Ferrazo al fondo

Os tráficos do porto de Vilagarcía increméntanse un 32% en febreiro e o acumulado do ano alcanza as 210.000 toneladas

O porto de Vilagarcía experimentou un notable incremento dos seus tráficos no mes de febreiro, cunha subida do 32% con relación ao mesmo mes do ano anterior.

Vista aérea del puerto de Vilagarcía

O Porto avanza no seu compromiso coa calidade, a seguridade e a sustentabilidade coa renovación das súas certificacións ISO

A Autoridade Portuaria de Vilagarcía renovou as súas certificacións ISO 9001 e ISO 14001, e conseguiu a nova ISO 45001, así como a verificación do seu inventario de emisións de pegada de carbono.

Encuentro entre el presidente de la Autoridad Portuaria y la presidenta del Consello Regulador do Mexillón de Galicia

O presidente da Autoridade Portuaria e a presidenta do Consello Regulador do Mexillón de Galicia manteñen a súa primeira reunión

O presidente da Autoridade Portuaria de Vilagarcía, José Manuel Cores Tourís, mantivo este mércores un encontro coa presidenta do Consello Regulador da Denominación de Orixe Protexida Mexillón de Galicia, Lina Solla.