A asociación de traballadores da Autoridade Portuaria “Crucelas” organiza diversos actos con motivo da festividade do Carmen
Haberá dos días de actividades, abiertas al público general y gratuitas
Por segundo ano consecutivo, a asociación de traballadores da Autoridade Portuaria de Vilagarcía “Crucelas” organiza con motivo da festividade do Carmen dous días de actividades, que serán abertas ao público en xeral e totalmente gratuítas.
O programa festivo foi presentado o 8 de xullo nun acto que contou coa presenza de Julio García Cores en representación da asociación, a concelleira de cultura Sonia Outón por parte do Concello de Vilagarcía, a responsable de Comunicación da Autoridade Portuaria Patricia González, e tres representantes das entidades que protagonizan o programa: Diego González, da compañía de teatro “Fillos do Capitán Nemo”; Ricardo García, do grupo “Nydia”, e Beatriz Vázquez, directora do Orfeón de Voces Graves de Arousa.
As actividades comezarán o día 15, ás 20.00 horas, coa representación da comedia «Mitolóxicas 1: a fabulosa historia dá Moura» no Salón García. Cabe sinalar que o grupo de teatro Fillos do capitán Nemo tamén ten unha forte vinculación portuaria, xa que ten as súas orixes na Autoridade Portuaria de Vigo.
O mércores 16 o Orfeón de Voces Graves de Arousa intervirá na misa en honra da Virxe do Carmen, que se oficiará ás 12 do mediodía na igrexa parroquial de Santa Eulalia. E ese mesmo día pola tarde terá lugar tamén no salón García unha actuación do grupo Nydia, cun espectáculo de teatro musical para toda a familia.
Julio García Cores agradeceu a implicación de Autoridade Portuaria, Concello e Deputación para que colaboran para que este programa poida materializarse e apostou por seguir crecendo en futuras edicións para que Vilagarcía teña unha programación das festas do Carmen que achega sen competir coas celebracións que teñen lugar en Carril e en Vilaxoán.
Porto de Vilagarcía, 9 de xullo de 2025.
A Autoridade Portuaria adxudica a COVSA a obra de pavimentación no peirao de Ferrazo Norte
A actuación dotará á zona dunhas condicións idóneas para as operativas portuarias que teñen lugar nesa área
A terminal de contedores de Boluda no porto de Vilagarcía experimenta o mellor xuño da súa historia por número de TEUS movidos
No acumulado do primeiro semestre do ano mellóranse as cifras tanto en TEUS (+2,6%) como en toneladas (+5,4%) con respecto ao pasado exercicio.
O mellor mes da súa historia, con case 160.000 toneladas movidas, permite ao porto pechar o semestre cunha subida de tráficos do 7,5%
En total, nos seis primeiros meses do ano movéronse 760.000 toneladas de mercadoría, fronte a 707.000 do pasado ano