O Consello de Administración da Autoridade Portuaria de Vilagarcía, reunido en sesión ordinaria el 30 de xuño, aprobou as contas anuais correspondentes ao ano 2022, co informe favorable da Intervención Xeral da Administración do Estado. Este informe fai constar que as contas do organismo portuario “expresan, en todos os aspectos significativos, a imaxe fiel do patrimonio e da situación financeira da entidade”. 

O Porto de Vilagarcía recibe este domingo, día 18 de xuño, a escala do cruceiro “Europa”. Trátase do cuarto cruceiro que arriba ao porto arousán nesta tempada, despois da chegada en abril do “National Geographic Resolution” e “Sirena”, e en maio do “Sexa Cloud Spirit”. A bordo viaxan máis de seiscentas persoas, sumando pasaxe e tripulación.  

O Porto de Vilagarcía establece un novo récord de actividade para os cinco primeiros meses do ano, ao contabilizar a peche de maio máis de 625.000 toneladas de tráficos portuarios, un 1% máis que no mesmo período do pasado ano. Desta maneira, o porto arousán consegue por primeira vez neste ano superar os seus rexistros do período equivalente de 2022, exercicio que no porto arousán rexistrou cifras récord nos tres primeiros trimestres do ano.

Durante a xornada de hoxe, 23 de maio, está a realizar unha escala no porto de Vilagarcía o cruceiro “Sea Cloud Spirit”. A súa chegada ao porto arousán produciuse ás oito da mañá e a súa saída está prevista ás cinco da tarde. O porto anterior de escala na súa travesía foi o de Vigo, e tras saír de Vilagarcía, poñerá rumbo a Xixón. A bordo do buque viaxan 52 pasaxeiros e 82 tripulantes. O peirao designado para a súa atracada é Ferrazo Norte.  

O Porto de Vilagarcía acaba de establecer no mes de abril un novo máximo mensual en tráfico portuario. En total, o pasado mes movéronse polos peiraos arousáns 157.732 toneladas de mercadorías, superando así en cen toneladas o récord de movemento de mercadorías nun mes, establecido en outubro do pasado ano en 157.631 toneladas e vixente ata a data. A diferenza entre os tráficos de abril de 2023 e o mesmo mes de 2022 foi de case 20.000 toneladas. 

O porto de Vilagarcía recibiu hoxe ao segundo dos seis cruceiros previstos para esta tempada. Trátase do Sirena, un buque da navieira Oceania Cruises que arribou a Vilagarcía ás sete da mañá e realizou a súa saída pouco despois das catro da tarde. 

A Autoridade Portuaria de Vilagarcía acolle durante esta semana un curso para a formación dos servizos de emerxencias na extinción de incendios en buques atracados en porto, no que participan 40 persoas. 

O presidente da Autoridade Portuaria de Vilagarcía, José Manuel Cores Tourís, fixo entrega onte de senllos reloxos a tres traballadores esta entidade para conmemorar importantes fitos na súa traxectoria profesional nesta organización. En dous dos casos, os traballadores cumpriron 25 anos como empregados do porto arousán en decembro de 2022, mentres que o terceiro homenaxeado é protagonista dun feito aínda máis destacado, ao celebrar recentemente os seus 50 anos como integrante do persoal da Autoridade Portuaria.

A Autoridade Portuaria de Vilagarcía acolleu esta mañá a presentación da bandeira de bateis “Porto de Vilagarcía”, que alcanza este ano a súa décimo quinta edición. A competición celebrarase este sábado, día 18 de marzo, desde as catro da tarde, en augas de Vilaxoán. 

A bandeira de bateis “Porto de Vilagarcía”, constará de 12 regatas, nas categorías alevín, infantil, cadete, xuvenil, sub23 e absoluto, tanto en modalidade masculina como feminina. Os clubs que obteñan mellor resultado no cómputo global de cada modalidade recibirán as correspondentes bandeiras. 

A Autoridade Portuaria ha pechado o mes de febreiro superando os seus tráficos do mesmo mes do pasado ano. As cifras provisionais apuntan que se moveron 129.478 toneladas de mercadoría neste mes, fronte ás 126.790 de febreiro de 2022. Isto permitiu emendar parcialmente a diminución de tráficos no acumulado do ano, que a peche de xaneiro era dun 23%, deixándoa por baixo do 11% a peche de febreiro.