A Autoridade Portuaria de Vilagarcía impulsa unha mostra fotográfica virtual e colaborativa como homenaxe ante a crise do COVID-19
Recoller e compartir as experiencias cidadás en relación coa crise sanitaria do COVID-19 é o obxectivo que se expón a Autoridade Portuaria de Vilagarcía coa organización de “Contra vento e marea".
Recoller e compartir as experiencias cidadás en relación coa crise sanitaria do COVID-19 é o obxectivo que se expón a Autoridade Portuaria de Vilagarcía coa organización de “Contra vento e marea”, unha exposición fotográfica virtual e colaborativa exposta como mostra de solidariedade e homenaxe.
A Autoridade Portuaria de Vilagarcía recompilará testemuños fotográficos para mostrar –desde a perspectiva dos cidadáns- como a nosa sociedade adaptouse, con compromiso e responsabilidade, a esta situación excepcional: traballadores de servizos esenciais, persoal sanitario, teletraballo, situacións cotiás, etc. Trátase dunha iniciativa impulsada polo porto de Valencia e á que se sumaron diversas Autoridades Portuarias de toda España.
Para poder desenvolver esta iniciativa a Autoridade Portuaria convida tanto a afeccionados á fotografía como a profesionais a enviar imaxes para compartir a súa experiencia e a súa vivencia desta crise. As fotografías deberán remitirse á dirección de correo electrónico contravientoymarea@portovilagarcia.es, expresamente creada para este fin. As imaxes recibidas poderanse ver en galerías fotográficas tanto na web da Autoridade Portuaria como na súa páxina de Facebook. No texto da mensaxe deberá facerse constar o nome da imaxe e nome do autor da fotografía, así como autorizar expresamente á Autoridade Portuaria a utilizar a imaxe na mostra. As fotografías deberán ser orixinais e o remitente das mesmas deberá ser o seu autor. A normativa así como o modelo para autorizar o uso da imaxe están dispoñibles na seguinte ligazón.
A Autoridade Portuaria de Vilagarcía certifica a compensación total da súa pegada de carbono, logrando a neutralidade climática
A Autoridade Portuaria de Vilagarcía acaba de obter o certificado que acredita a compensación total das súas emisións directas como organización, conseguindo así a Pegada Cero Emisións.
Os tráficos do porto de Vilagarcía increméntanse un 32% en febreiro e o acumulado do ano alcanza as 210.000 toneladas
O porto de Vilagarcía experimentou un notable incremento dos seus tráficos no mes de febreiro, cunha subida do 32% con relación ao mesmo mes do ano anterior.
O Porto avanza no seu compromiso coa calidade, a seguridade e a sustentabilidade coa renovación das súas certificacións ISO
A Autoridade Portuaria de Vilagarcía renovou as súas certificacións ISO 9001 e ISO 14001, e conseguiu a nova ISO 45001, así como a verificación do seu inventario de emisións de pegada de carbono.