O Porto de Vilagarcía recibe este domingo a escala do cruceiro “Europa”, o cuarto desta tempada
A bordo viaxan máis de seiscientas persoas, sumando pasaxe e tripulación
O Porto de Vilagarcía recibe este domingo, día 18 de xuño, a escala do cruceiro “Europa”. Trátase do cuarto cruceiro que arriba ao porto arousán nesta tempada, despois da chegada en abril do “National Geographic Resolution” e “Sirena”, e en maio do “Sexa Cloud Spirit”. A bordo viaxan máis de seiscentas persoas, sumando pasaxe e tripulación.
O “Europa” é un cruceiro da navieira Hapag-Lloyd, con bandeira de Malta. Ten 198 metros de eslora e durante a súa escala en Vilagarcía está atracado no peirao de Ferrazo Norte. A chegada a porto tivo lugar pouco antes das sete da mañá e a súa saída producirase ás seis da tarde.
O “Europa” arribou a Vilagarcía procedente de Leixoes, e o seu seguinte porto de escala será o da Pallice, en Francia. O “Europa” é un cruceiro con capacidade para 400 pasaxeiros, aos que hai que engadir os tripulantes. A maior parte dos seus pasaxeiros proceden de países de lingua alemá.
Para facer máis agradable a estancia en Vilagarcía dos visitantes, a Autoridade Portuaria habilitou un servizo lanzadeira gratuíto entre o peirao e o centro urbano, prestado por medio do tren turístico. Tamén se instalou a pé de peirao un punto de atención ao visitante, atendido por persoal da propia Autoridade Portuaria.
Porto de Vilagarcía, 16 de xuño de 2023.
A Autoridade Portuaria de Vilagarcía certifica a compensación total da súa pegada de carbono, logrando a neutralidade climática
A Autoridade Portuaria de Vilagarcía acaba de obter o certificado que acredita a compensación total das súas emisións directas como organización, conseguindo así a Pegada Cero Emisións.
Os tráficos do porto de Vilagarcía increméntanse un 32% en febreiro e o acumulado do ano alcanza as 210.000 toneladas
O porto de Vilagarcía experimentou un notable incremento dos seus tráficos no mes de febreiro, cunha subida do 32% con relación ao mesmo mes do ano anterior.
O Porto avanza no seu compromiso coa calidade, a seguridade e a sustentabilidade coa renovación das súas certificacións ISO
A Autoridade Portuaria de Vilagarcía renovou as súas certificacións ISO 9001 e ISO 14001, e conseguiu a nova ISO 45001, así como a verificación do seu inventario de emisións de pegada de carbono.