A bandeira Porto Vilagarcía abre o sábado a tempada de bateis
O domingo disputarase, no mesmo escenario do porto de Vilaxoán, a primeira bandeira Conservas Orbe, patrocinada por esta firma galega
Os bateis teñen esta fin de semana unha cita en Vilagarcía coa disputa das primeiras probas da tempada na provincia: trátase da bandeira “Porto Vilagarcía”, que alcanza a súa edición número 18, e a bandeira “Conservas Orbe”, que se estrea no calendario. Os dous eventos foron presentados esta mañá nun acto celebrado na Autoridade Portuaria de Vilagarcía.
O presidente da Autoridade Portuaria, José Manuel Cores Tourís, agradeceu ao Club de Remo Vilaxoán, anfitrión de ambos os eventos, o seu labor, destacando que se espera a chegada dunhas 600 persoas para participar en ambas as competicións.
O concelleiro de Deportes de Vilagarcía, Carlos Coira, resaltou o apoio da Autoridade Portuaria aos deportes vinculados polo mar e tamén agradeceu a conservas Orbe a súa implicación, sinalando a importancia da colaboración da empresa privada co deporte.
Álvaro González, en representación de Conservas Orbe, fixo mención ao labor do Club de Remo Vilaxoán pola promoción do deporte e a excelencia do seu traballo; a do domingo é a primeira proba de bateis que organiza o Club de Remo Vilaxoán co patrocinio desta conserveira.
Finalmente, Rogelio Tarrío, presidente do Club de Remo Vilaxoán, explicou que ambas as competicións supoñen a estrea da tempada de bateis na nosa provincia, ao terse que suspender as probas programadas en xaneiro polas condicións meteorolóxicas.
A XVIII bandeira de bateis “Porto Vilagarcía” disputarase o sábado, desde as 10.30 horas, en augas do porto de Vilaxoán. Participarán no evento entre 90 e 110 embarcacións de todos os clubs da provincia de Pontevedra, en categoría alevín, infantil, cadete, xuvenil, sub-23 e absoluta, tanto masculina como feminina. O club anfitrión competirá cun total de 13 tripulacións, das cales 4 corresponden a categoría feminina. A entrega da bandeira está prevista ás 13.30 horas, aproximadamente.
En canto á primeira bandeira “Conservas Orbe”, terá lugar o domingo, con idénticos horarios e participantes que a bandeira Porto Vilagarcía.
Porto de Vilagarcía, 5 de febreiro de 2026.
O Porto dá o seu visto e prace ao proxecto de Turismo de Galicia para a execución da mellora do Faro de Sálvora
Aprobouse tamén un proxecto para mellora das naves do Ramal que ten en concesión a Organización Empresarial Parquistas de Carril
O Porto recibe a visita de xubilados e de alumnos do ciclo de Transporte e Loxística, e do ciclo superior de Xestión de Vendas
As visitas permiten aos participantes coñecer o funcionamento do porto mediante unha presentación e un percorrido en autocar polo recinto portuario
O Porto bate o seu récord de tráficos a peche do terceiro trimestre do ano, con máis de 1,1 millóns de toneladas
Mellóranse nun 0,5% os resultados do mesmo periodo do pasado exercicio