O porto de Vilagarcía recibe hoxe a escala do cruceiro “Amadea”
O buque, con 461 pasaxeiros a bordo, arribou a Vilagarcía ás 13.00 horas e a súa saída está prevista para as 20.00 horas
O porto de Vilagarcía recibiu a escala do cruceiro “Amadea”. Desde as 13.00 horas aproximadamente, o buque –procedente de Lisboa- atópase amarrado no peirao de Ferrazo Norte, onde permanecerá ata as 20.00 horas, cando ten prevista a súa saída cara a Portsmouth.
O “Amadea” é un cruceiro con bandeira de Gran Bahamas e case 193 metros de eslora, operado pola navieira “Phoenix Reisen”. A bordo viaxan un total de 461 pasaxeiros, na súa gran maioría de nacionalidade alemá, e 321 tripulantes. Para facer máis cómoda a estancia en Vilagarcía dos pasaxeiros que permanezan na cidade, a Autoridade Portuaria pon á súa disposición un servizo lanzadeira que conecta o peirao coa Oficina Municipal de Turismo.
O “Amadea” xa visitara anteriormente o noso porto, concretamente a súa última visita foi no ano 2022. Coa de hoxe son cinco as escalas de cruceiro que recibiu o porto neste ano.
Porto de Vilagarcía, 2 de decembro de 2025.
Os cruceiros retornan este sábado ao porto de Vilagarcía cunha doble escala a cargo do Bolette e o Marina
En total, arribarán a Vilagarcía máis de 2.000 persoas, entre pasaxeiros e e tripulantes. Os peiraos de escala serán Ferrazo Norte e Comboa
Os tráficos portuarios soben en xullo en Vilagarcía un 23%, e o incremento acumulado en 2021 alcanza o 31%
Os incrementos nas categorías de mercadoría xeral e graneis sólidos aproxímanse ao 40%, cos graneis líquidos tamén en positivo
O Porto pecha o primeiro semestre do ano con máis de 725.000 toneladas de tráfico portuario, un 31% máis que en 2020
O presidente da Autoridade Portuaria, José Manuel Cores Tourís, comunicou o dato aos membros do Consello de Administración na sesión celebrada por medios telemáticos o 30 de xuño.