A Autoridade Portuaria obtén a verificación independente do seu inventario de emisións e certifica a súa compensación

A Autoridade Portuaria de Vilagarcía acaba de superar unha auditoría para a verificación do seu inventario de emisións correspondentes ao ano 2020. Esta verificación externa incumbe non só á Autoridade Portuaria como organización, senón tamén ao conxunto de empresas asentadas no recinto portuario, xa que o cálculo refírese aos alcances 1, 2 e 3. 

Para determinar o cálculo de emisións no alcance 1, téñense en conta as emisións xeradas in situ e de maneira directa pola propia Autoridade Portuaria (calefacción, combustibles…). O alcance 2 incumbe ás emisións que se producen pola xeración da enerxía eléctrica utilizada pola organización. O alcance tres é o máis amplo de todos, ao estar referido a outras emisións indirectas. No caso da Autoridade Portuaria de Vilagarcía, para o seu cálculo de ten en consideración as emisións producidas polo consumo enerxético das empresas asentadas no recinto portuario, así como o asociado ás actividades de transporte e loxística que se desenvolven no ámbito físico baixo xestión da Autoridade Portuaria, ben nos terreos do dominio público portuario, ben nas superficies de flotación sobre as cales ten competencia o porto. 

Este cálculo de emisións, nos tres alcances, foi verificado por un organismo independente, como xa sucedese o pasado exercicio. A certificación realizouse de acordo co esquema ISCC, recoñecido pola UE. 

Ademais, certificouse de maneira externa a compensación das emisións propias da Autoridade Portuaria (alcances 1 e 2). A Pegada Cero Emisións significa que as emisións directas xeradas pola entidade son iguais ás evitadas coas accións de compensación. A certificación supón o recoñecemento da neutralidade climática da Autoridade Portuaria de Vilagarcía. 

Por outra banda, a Autoridade Portuaria ha superado a auditoría de seguimento das certificacións ISO 9001, ISO 14001 e ISO 45001, obtidas o pasado ano, e referidas aos ámbitos de xestión de calidade, xestión ambiental e xestión de seguridade e saúde no traballo, respectivamente. A superación da auditoría implica que se ha chequeado e acreditado o mantemento dos sistemas e procedementos que levaron á obtención das certificacións. Con iso, a Autoridade Portuaria de Vilagarcía reforza o seu compromiso coa mellora continua da organización, unha das prioridades da súa política de calidade, medio ambiente e prevención de riscos laborais. A auditoría anual das certificacións foi realizada pola empresa ICDQ: 

Porto de Vilagarcía, 30 de decembro de 2021.