A Autoridade Portuaria inicia os traballos para a dotación de saneamento ao peirao do Ramal
As obras teñen un orzamento de 173.986,11 euros (IVE excluído) e un prazo de execución de catro meses.
Esta mañá deron comezo na contorna da área lúdica do porto deportivo os traballos para a dotación de instalacións de saneamento no peirao do Ramal. A obra ten un orzamento de 173.986,11 euros (IVE excluído) e deberá estar finalizada no prazo de catro meses.
Os traballos empezaron na área axardinada contigua á zona de lecer do porto deportivo, onde se abriu unha gabia para a instalación de tubaxes. No paseo do porto deportivo tamén está previsto realizar unha actuación similar para permitir levar a canalización ata o peirao do Ramal, onde se desenvolverá o groso da actuación proxectada.
Ata a data O Ramal –uno dos peiraos máis antigos do porto de Vilagarcía- non dispón de instalación de saneamento, xa que historicamente só acolleu naves para almacenamento de mercadorías que non precisaban deste servizo. Pero dado que o peirao está na actualidade enfocándose cara a usos distintos do propiamente comercial-portuario e que se prevé reforzar esta orientación no medio prazo, faise necesario dotar á zona de rede de saneamento, anticipándose á futura demanda deste equipamento básico.
A Autoridade Portuaria agradece a comprensión da cidadanía polos mínimos inconvenientes que a actuación en marcha poida ocasionar.
Porto de Vilagarcía, 28 de novembro de 2024.
O presidente da Autoridade Portuaria e a presidenta do Consello Regulador do Mexillón de Galicia manteñen a súa primeira reunión
O presidente da Autoridade Portuaria de Vilagarcía, José Manuel Cores Tourís, mantivo este mércores un encontro coa presidenta do Consello Regulador da Denominación de Orixe Protexida Mexillón de Galicia, Lina Solla.
O Clúster da Función Loxística de Galicia mantivo recentemente unha reunión coa Autoridade Portuaria de Vilagarcía nas instalacións portuarias arousás.
O Clúster da Función Loxística de Galicia mantivo recentemente unha reunión coa Autoridade Portuaria de Vilagarcía nas instalacións portuarias arousás.
Autoridade Portuaria e Concello de Vilagarcía acordan crear unha comisión técnica para avanzar en temas urbanísticos pendentes
O presidente da Autoridade Portuaria de Vilagarcía, José Manuel Cores Tourís, mantivo esta mañá unha reunión co alcalde de Vilagarcía, Alberto Varela, e a concelleira de Urbanismo, Paola María, na sede da Autoridade Portuaria.