A Autoridade Portuaria acolle un curso para a formación de servizos de emerxencias na extinción de incendios en buques
A actividade desenvolverase ao longo de toda esta semana, na sala de conferencias da Autoridade Portuaria
A Autoridade Portuaria de Vilagarcía acolle durante esta semana un curso para a formación dos servizos de emerxencias na extinción de incendios en buques atracados en porto, no que participan 40 persoas.
A realización desta formación foi unha iniciativa conxunta da Autoridade Portuaria e Capitanía Marítima de Vilagarcía, quen solicitou a súa celebración nas dependencias da Autoridade Portuaria arousá á Academia Galega de Seguridade Pública (AGASP): Esta actividade está dirixida a servizos de extinción de incendios e salvamento, servizos de protección civil e emerxencias e grupos de emerxencias supramunicipais.
O curso inclúese no programa de formación continua da Academia Galega de Seguridade Pública. O curso foi inaugurado esta mañá, nun acto no que interviñeron, ademais José Manuel Cores Tourís, presidente da Autoridade Portuaria, a Subdelegada do Goberno en Pontevedra, Maica Larriba, e o director xeral de Emerxencias e Interior da Xunta de Galicia, Santiago Villanueva. Tamén asistiron á inauguración do curso o capitán marítimo de Vilagarcía, Juan Andrés Pérez, e a directora da Autoridade Portuaria, Begoña Mesejo.
Porto de Vilagarcía, 27 de marzo de 2023.
A Autoridade Portuaria de Vilagarcía impulsa unha mostra fotográfica virtual e colaborativa como homenaxe ante a crise do COVID-19
Recoller e compartir as experiencias cidadás en relación coa crise sanitaria do COVID-19 é o obxectivo que se expón a Autoridade Portuaria de Vilagarcía coa organización de “Contra vento e marea".
O Porto de Vilagarcía mantén a súa operatividade e implementa medidas de apoio á comunidade portuaria
O Porto de Vilagarcía mantén a súa operatividade ao servizo da cidadanía e de toda a sociedade. Os portos de Interese Xeral do Estado son infraestruturas estratéxicas garantes do funcionamento de servizos que se definen como esenciais.
O Porto de Vilagarcía rexistra en 2019 o mellor balance de tráficos da súa historia, cun incremento do 8,9% con relación ao ano anterior
A Autoridade Portuaria de Vilagarcía pechou o exercicio 2019 co mellor balance de tráficos da súa historia, establecendo un novo máximo anual de movemento de mercadorías.