O porto de Vilagarcía recibe hoxe ao cruceiro “Island Sky”
O buque atracou no peirao de Ferrazo ás 14.30 horas procedente de Ponta Delgada, e partirá ás 19.00 horas con destino A Coruña
O porto de Vilagarcía recibe hoxe o primeiro cruceiro desta tempada. Trátase do Island Sky, un habitual dos peiraos arousáns xa que nos visitou con regularidade nos últimos anos. O buque, da navieira Nobre Caledonia, está a realizar un itinerario entre os Azores e as Illas Británicas.
A chegada ao porto de Vilagarcía do Island Sky tivo lugar ás 14.30 horas, procedente de Ponta Delgada, no arquipélago dos Azores. Durante a súa estancia en Vilagarcía, a pasaxe terá ocasión de descubrir a riqueza paisaxística e patrimonial da nosa comarca. Ás 19.00 horas está previsto que o buque -–con bandeira de Gran Bahamas e 90 metros de eslora- efectúe a súa saída con destino A Coruña.
Como é habitual, a Autoridade Portuaria pon ao dispor de tripulación e pasaxe un servizo lanzadeira entre o peirao e o centro urbano, a fin de facer máis cómoda a súa estancia en Vilagarcía.
Porto de Vilagarcía, 12 de maio de 2025.
Os tráficos do porto de Vilagarcía increméntanse un 32% en febreiro e o acumulado do ano alcanza as 210.000 toneladas
O porto de Vilagarcía experimentou un notable incremento dos seus tráficos no mes de febreiro, cunha subida do 32% con relación ao mesmo mes do ano anterior.
O Porto avanza no seu compromiso coa calidade, a seguridade e a sustentabilidade coa renovación das súas certificacións ISO
A Autoridade Portuaria de Vilagarcía renovou as súas certificacións ISO 9001 e ISO 14001, e conseguiu a nova ISO 45001, así como a verificación do seu inventario de emisións de pegada de carbono.
O presidente da Autoridade Portuaria e a presidenta do Consello Regulador do Mexillón de Galicia manteñen a súa primeira reunión
O presidente da Autoridade Portuaria de Vilagarcía, José Manuel Cores Tourís, mantivo este mércores un encontro coa presidenta do Consello Regulador da Denominación de Orixe Protexida Mexillón de Galicia, Lina Solla.