O porto destina 1,4 millóns de euros á pavimentación do peirao do Ramal para mellorar a súa operatividade e seguridade
O Consello aprobou na súa sesión de hoxe o expediente de contratación e apertura del procedemento de adxudicación desta obra. Tamén se deu conta do balance provisional de tráficos do primeiro trimestre
O Consello de Administración da Autoridade Portuaria de Vilagarcía, reunido esta mañá en sesión ordinaria, aprobou o expediente de contratación e apertura do procedemento de adxudicación dunha obra de pavimentación no peirao do Ramal. O orzamento basee de licitación é de 1.482.530,97 € (iva incluído) e o prazo de execución, dez meses.
Con esta actuación, preténdese adecuar e renovar o pavimento do peirao incorporando áreas de tráfico seguro para peóns, vehículos e embarcacións. A superficie total a pavimentar ascende a 11.650 m², e o material utilizado será o formigón. A nova pavimentación permitirá o uso mixto eficiente e seguro do peirao, con zonas de carga/descarga, almacenamento temporal, circulación de maquinaria, tránsito peonil e vehicular de pasaxeiros, etc. A finalidade desta actuación é optimizar as condicións de operatividade e a seguridade nesta área portuaria, adecuándoa tanto aos seus usos actuais como futuros.
Por outra banda, o presidente trasladou aos membros do Consello un adianto do balance de tráficos a peche do primeiro trimestre do ano. A falta duns días para terminar o mes, o incremento de tráficos portuarios con relación ao mesmo período do pasado ano supera o 9%, cun tráfico total de 389.236 toneladas, fronte ás 356.649 toneladas do mesmo período do pasado ano.
Por categorías, incrementouse sobre todo o movemento de mercancía xeral, cunha subida porcentual do 16,6%. O total de toneladas movidas nesta categoría foi de 227.729, 32.000 toneladas máis que nos tres primeiros meses do pasado ano. Destacan os positivos datos do movemento de mercancía contenerizada: no balance provisional contabilízanse un total de 8.988 TEUs, o que supón un incremento porcentual do 15,2% con respecto a 2025. Tamén a liña ro-ro que une Vilagarcía con Róterdam contribúe a este dato tan positivo, xa que achega máis de 92.500 toneladas a esta estatística.
Os graneis sólidos tamén van pechar este primeiro trimestre do ano en positivo, cun incremento porcentual das 6% grazas sobre todo ao cereal, que duplicou os seus tráficos con relación ao mesmo período de 2025. Das 98.193 toneladas movidas nesta categoría, case 51.000 corresponden ao tráfico de cereais. Pola contra, os graneis líquidos terminan o trimestre por baixo dos seus resultados do pasado ano (-7,8%), achegando un total de 63.314 toneladas a este balance provisional de tráficos portuarios.
Porto de Vilagarcía, 27 de marzo de 2026.
A Autoridade Portuaria de Vilagarcía impulsa unha mostra fotográfica virtual e colaborativa como homenaxe ante a crise do COVID-19
Recoller e compartir as experiencias cidadás en relación coa crise sanitaria do COVID-19 é o obxectivo que se expón a Autoridade Portuaria de Vilagarcía coa organización de “Contra vento e marea".
O Porto de Vilagarcía mantén a súa operatividade e implementa medidas de apoio á comunidade portuaria
O Porto de Vilagarcía mantén a súa operatividade ao servizo da cidadanía e de toda a sociedade. Os portos de Interese Xeral do Estado son infraestruturas estratéxicas garantes do funcionamento de servizos que se definen como esenciais.
O Porto de Vilagarcía rexistra en 2019 o mellor balance de tráficos da súa historia, cun incremento do 8,9% con relación ao ano anterior
A Autoridade Portuaria de Vilagarcía pechou o exercicio 2019 co mellor balance de tráficos da súa historia, establecendo un novo máximo anual de movemento de mercadorías.