A conselleira do Mar, Marta Villaverde, visita a Autoridade Portuaria de Vilagarcía
O encontro enmárcase na rolda de reunións que a titular da carteira de Mar está a realizar cos máximos responsables das diferentes Autoridades Portuarias
A conselleira do Mar, Marta Villaverde, realizou hoxe a súa primeira visita institucional á Autoridade Portuaria de Vilagarcía, dentro da rolda de reunións que está a manter cos máximos responsables das autoridades portuarias da nosa comunidade. Villaverde destacou a importancia deste tipo de encontros, xa que serven para consolidar as liñas de traballo existentes e explorar novos horizontes que repercutan no desenvolvemento e a competitividade das infraestruturas portuarias.
Neste sentido, a conselleira valorou positivamente os proxectos que o organismo presidido por José Manuel Cores Tourís ten en marcha, como o desenvolvemento da terceira fase do proxecto Ferrocarril Ferrazo, que optimiza a intermodalidad marítimo-portuaria; a pavimentación no peirao de Ferrazo norte; a redacción do proxecto do novo pantalán da dársena 1; ou a entrada en funcionamento da liña regular ro-ro, que conecta o porto arousán con Róterdam, entre outros.
En canto á actividade do porto arousán, destaca o seu positivo balance de tráficos a peche do terceiro trimestre do ano, cun incremento porcentual do 8,4% e subidas importantes nas categorías de graneis líquidos e de mercadoría xeral, onde sobresae tanto o incremento da mercadoría contenerizada como a notable achega dos tráficos ro-ro, unha recente incorporación aos servizos que se prestan desde o porto de Vilagarcía. A reunión serviu tamén para analizar posibles vías de colaboración co fin de impulsar a actividade pesqueira da comunidade, xa que a Xunta, a través de Portos de Galicia, xestiona 122 dos 128 peiraos existentes no litoral galego; unha rede das máis extensas de España.
O presidente da Autoridade Portuaria e a presidenta do Consello Regulador do Mexillón de Galicia manteñen a súa primeira reunión
O presidente da Autoridade Portuaria de Vilagarcía, José Manuel Cores Tourís, mantivo este mércores un encontro coa presidenta do Consello Regulador da Denominación de Orixe Protexida Mexillón de Galicia, Lina Solla.
O Clúster da Función Loxística de Galicia mantivo recentemente unha reunión coa Autoridade Portuaria de Vilagarcía nas instalacións portuarias arousás.
O Clúster da Función Loxística de Galicia mantivo recentemente unha reunión coa Autoridade Portuaria de Vilagarcía nas instalacións portuarias arousás.
Autoridade Portuaria e Concello de Vilagarcía acordan crear unha comisión técnica para avanzar en temas urbanísticos pendentes
O presidente da Autoridade Portuaria de Vilagarcía, José Manuel Cores Tourís, mantivo esta mañá unha reunión co alcalde de Vilagarcía, Alberto Varela, e a concelleira de Urbanismo, Paola María, na sede da Autoridade Portuaria.