Aceites Abril proxecta ampliar o seu centro loxístico no porto de Vilagarcía, aumentando a súa capacidade actual nun 75%
A empresa aceiteira galega Aceites Abril proxecta reforzar a súa presenza no porto de Vilagarcía a través dunha ampliación das súas actuais instalacións, nas que se sitúa un centro loxístico de recepción, almacenamento e distribución de aceite.
A empresa aceiteira galega Aceites Abril proxecta reforzar a súa presenza no porto de Vilagarcía a través dunha ampliación das súas actuais instalacións, nas que se sitúa un centro loxístico de recepción, almacenamento e distribución de aceite.
A empresa prevé ampliar a superficie do seu actual terminal de graneis líquidos nun 21,2%, incorporando á mesma unha parcela anexa, de 396 metros cadrados de superficie, que estaba libre ata a data. O proxecto -que pola superficie incorporada, supón unha modificación substancial da concesión- está a exposición pública na Autoridade Portuaria de Vilagarcía.
A empresa Aceites Abril prevé construír nesta ampliación catro depósitos cunha capacidade de 1.500 metros cúbicos cada un. Na actualidade, os depósitos cos que a compañía conta no porto de Vilagarcía teñen unha capacidade conxunta de 7.930 metros cúbicos, co cal o proxecto presentado supón incrementar a capacidade das súas instalacións nun 75%, ata alcanzar case os 14.000 metros cúbicos. A finalidade é dotar ao recinto de maior marxe de manobra para o almacenamento de stocks.
A compañía ourensá empezou a operar no Porto de Vilagarcía a finais de 2015, pechando ese exercicio cun total de 8.025 toneladas movidas no último trimestre do ano. En 2016, primeiro ano íntegro de actividade, o tráfico total no seu terminal de graneis líquidos do porto de Vilagarcía foi de 62.876 t. En 2017 aumentou ata as 76.526 t, e en 2018 sumou 82.712 toneladas. A peche de 2019, a cantidade de aceite movida por estas instalacións ascendeu a 91.448 toneladas.
Porto de Vilagarcía, 26 de xuño de 2020.
A Autoridade Portuaria de Vilagarcía impulsa unha mostra fotográfica virtual e colaborativa como homenaxe ante a crise do COVID-19
Recoller e compartir as experiencias cidadás en relación coa crise sanitaria do COVID-19 é o obxectivo que se expón a Autoridade Portuaria de Vilagarcía coa organización de “Contra vento e marea".
O Porto de Vilagarcía mantén a súa operatividade e implementa medidas de apoio á comunidade portuaria
O Porto de Vilagarcía mantén a súa operatividade ao servizo da cidadanía e de toda a sociedade. Os portos de Interese Xeral do Estado son infraestruturas estratéxicas garantes do funcionamento de servizos que se definen como esenciais.
O Porto de Vilagarcía rexistra en 2019 o mellor balance de tráficos da súa historia, cun incremento do 8,9% con relación ao ano anterior
A Autoridade Portuaria de Vilagarcía pechou o exercicio 2019 co mellor balance de tráficos da súa historia, establecendo un novo máximo anual de movemento de mercadorías.