Xunta e Autoridade Portuaria analizan os retos relacionados coa operatividade do porto
A conselleira do Mar, Rosa Quintana, mantivo o día 16 de febreiro unha reunión co presidente da Autoridade Portuaria de Vilagarcía; José Manuel Cores Tourís, nas instalacións do porto arousán.
A conselleira do Mar, Rosa Quintana, mantivo o día 16 de febreiro unha reunión co presidente da Autoridade Portuaria de Vilagarcía; José Manuel Cores Tourís, nas instalacións do porto arousán.
A reunión serviu para analizar a actividade do porto no contexto actual, marcado pola alerta sanitaria da covid-19, así como para repasar os retos relacionados coas dársenas e os espazos portuarios. Na visita, na que tamén participou a presidenta de Portos de Galicia, Susana Lenguas, destacouse a importancia do movemento de tráficos portuarios para a dinamización non só da actividade loxístico-portuaria, senón de toda a economía de Galicia, así como o papel crave dos portos en ámbitos como o comercio exterior.
O encontro dá continuidade ao celebrado a principios deste mes entre a conselleira do Mar cos presidentes das cinco autoridades portuarias de Galicia -A Coruña, Ferrol-San Cibrao, Marín-Ría de Pontevedra, Vigo e Vilagarcía de Arousa-, sendo o seu propósito intercambiar pareceres sobre a operatividade e competitividade do peirao.
A Autoridade Portuaria de Vilagarcía impulsa unha mostra fotográfica virtual e colaborativa como homenaxe ante a crise do COVID-19
Recoller e compartir as experiencias cidadás en relación coa crise sanitaria do COVID-19 é o obxectivo que se expón a Autoridade Portuaria de Vilagarcía coa organización de “Contra vento e marea".
O Porto de Vilagarcía mantén a súa operatividade e implementa medidas de apoio á comunidade portuaria
O Porto de Vilagarcía mantén a súa operatividade ao servizo da cidadanía e de toda a sociedade. Os portos de Interese Xeral do Estado son infraestruturas estratéxicas garantes do funcionamento de servizos que se definen como esenciais.
O Porto de Vilagarcía rexistra en 2019 o mellor balance de tráficos da súa historia, cun incremento do 8,9% con relación ao ano anterior
A Autoridade Portuaria de Vilagarcía pechou o exercicio 2019 co mellor balance de tráficos da súa historia, establecendo un novo máximo anual de movemento de mercadorías.