Un total de 20 embarcacións arribarán mañá a Vilagarcía, último porto do “ Caminho marítimo de Santiago en Portugal”

Un total de 20 embarcacións arribarán mañá a Vilagarcía, último porto do “ Caminho marítimo de Santiago en Portugal”

A carabela Vera Cruz, recreación dun buque dos séculos XV- XVI, poderá visitarse sábado pola tarde e domingo pola mañá no peirao pantalán da dársena 2

O Porto de Vilagarcía recibirá desde mañá sábado e ata o luns a visita dun total de 20 embarcacións portuguesas que, desde o día 28 de maio, están a realizar o Caminho Marítimo de Santiago en Portugal. Esa iniciativa pretende recrear, desde a costa portuguesa, a viaxe que segundo a tradición trasladou os restos de Santiago Apóstolo desde Jaffa ata Compostela. A maior parte dos barcos amarrarán nas instalacións de Mariña Vilagarcía, mentres que os restantes utilizarán durante a súa escala en Vilagarcía o peirao-pantalán da dársena 2. A chegada está prevista mañá, a partir das 15.00 horas (en función das condicións meteorolóxicas). 

O proxecto Caminho Marítimo de Santiago en Portugal é unha iniciativa que pretende a dinamización e posta en valor dos camiños de Santiago ancestrais, sendo a organización desta travesía con fins promocionais una das súas actividades pioneiras; desta maneira, búscase potenciar o atractivo no país veciño das peregrinacións a Compostela, a través dun itinerario con xustificación na tradición xacobea. O evento está organizado por Upstream – Valorizaçao do Territorio e Forum Oceano. 

Esta actividade desenvólvese coa colaboración da Autoridade Portuaria de Vilagarcía quen, na súa condición de Porto Xacobeo, apoia a promoción das peregrinacións a Compostela por vía marítima, e de maneira máis ampla, busca fortalecer a histórica vinculación de Vilagarcía e o seu porto con Santiago. 

O Caminho Marítimo de Santiago en Portugal pon a énfase en conceptos como a sustentabilidade –vinculada á participación, exclusivamente, de embarcacións a vela-, a promoción do turismo náutico e as estacións náuticas, ou o mar como “designio nacional desde o punto de vista da economía, a cultura, a historia e as tradicións”. Persegue tamén desestacionalizar o turismo e a diversificación da oferta. 

A travesía, de 17 días de duración e cun percorrido total de 500 millas náuticas, comezou en Vila Real de Santo Antonio e finalizará en Vilagarcía de Arousa, tras nove paradas intermedias. Os participantes teñen previsto visitar Santiago este luns, realizando a pé o tramo entre Padrón e Santiago. 

Aos participantes nesta travesía –aproximadamente 90 persoas- ofreceráselles unha recepción nas instalacións de Mariña Vilagarcía, á que acudirán Begoña  Mesejo, directora da Autoridade Portuaria, e Álvaro Carou, concelleira de Turismo do  Concello de Vilagarcía. O acto terá lugar mañá, ás 19.00 horas.

Visita á Carabela Vera Cruz 
Uno dos atractivos desta peregrinación por mar a Compostela é a presenza, entre os barcos participantes, da carabela Vera Cruz. Esta é unha réplica dunha carabela portuguesa da Era dos Descubrimentos (séculos XV- XVI), construída no ano 2000 no estaleiro naval de Vila do Conde, con motivo da conmemoración dos 500 anos do descubrimento de Brasil. 

Entre outros usos desta embarcación, a Associação Portuguesa de Treino de Vela – APORVELA, responsable do buque, sinala o adestramento da navegación a vela e experiencias de mar para mozas, participación en eventos náuticos, investigación do comportamento de manobra das antigas carabelas e realización de visitas escolares. 

Durante a súa estancia en Vilagarcía, esta carabela poderá ser visitada no peirao-pantalán da dársena 2, de maneira gratuíta. As visitas poderán realizarse o sábado pola tarde, comezando non antes das 16.00 horas, e o domingo pola mañá.

Porto de Vilagarcía, 10 de xuño de 2022 

Operativas en el muelle Comercial

O Porto de Vilagarcía pecha o mellor exercicio da súa historia e fixa un record de tráfico portuario ao mover 1.552.474 toneladas en 2023

Na comparación con 2022, o peche de 2023 amosa un aumento en total de tráfico portuario de aproximadamente 55.000 toneladas, o que equivale a un incremento porcentual do 3,6%. 

Vista del muelle Comercial desde O Centenario

O Porto supera os 1,5 millóns de toneladas e pechará o  ano cun novo récord de tráficos portuarios

Os bos resultados de decembro permitirán mellorar os registros de 2022

O Porto dá o seu visto e prace ao proxecto de Turismo de Galicia para a execución da mellora do Faro de Sálvora

Aprobouse tamén un proxecto para mellora das naves do Ramal que ten en concesión a Organización Empresarial Parquistas de Carril