O Porto de Vilagarcía dispón de case 3.000 metros de liña de atracada nas dársenas comerciais, con calados de ata 13 metros de profundidade. A súa superficie total ascende aos 575.000 metros cadrados, dos que o 42 % (máis de 242.000 metros) corresponden a zonas de almacenamento, tanto abertas como pechadas, entre as que se atopan instalacións específicas para o procesado e almacenamento de produtos frigoríficos, principalmente peixe e marisco.
Entre os equipamentos portuarios destaca o Posto de Control Fronteirizo, un servizo crave que alberga catro organismos de inspección diferentes: Sanidade Exterior, Sanidade Animal, SOIVRE (Servizo Oficial de Inspección, Vixilancia e Regulación das Exportacións) e Sanidade Vexetal nos seus 1.200 metros cadrados de superficie.
Para a Autoridade Portuaria de Vilagarcía, a seguridade é un principio irrenunciable e para iso acolle no seu recinto portuario tres dotacións básicas: A subsede do parque comarcal de Bombeiros; o posto de Protección Civil e o Centro de Control, que permite supervisar os accesos e toda a operativa portuaria a tempo real.
-
-
-