O Porto de Vilagarcía goza dunha privilexiada localización ao Noroeste da Península Ibérica, no centro xeográfico do Eixo Atlántico Galego.

O Porto de Vilagarcía, situado nas resgardadas augas da Ría de Arousa, dispón dunhas excelentes comunicacións, que garanten un transporte rápido e seguro de calquera mercancía ata o seu lugar de destino.

Ampliar mapa

O Porto dispón dun enlace directo coa AP9 -Autoestrada do Atlántico -que vertebra Galicia de norte a sur-. A través da AP9 é posible acceder á Autovía das Rías Baixas, o que facilita o transporte de mercancías ao interior da península. O enlace coa autoestrada conta ademais con accesos cara á Vía de Alta Capacidade do Salnés e a variante norte de Vilagarcía.

O recinto portuario dispón dunha conexión ferroviaria propia, que enlaza coa rede nacional de transporte ferroviario de ADIF. A rede interior do porto esténdese a todos os peiraos do recinto portuario, gracias ás obras de prolongación do ferrocarril ao peirao de Ferrazo (fases 1 e 29 que supuxeron un investimento de 6,5 millóns de euros (sen ive).

Igualmente, a proximidade do Porto de Vilagarcía aos aeroportos de Santiago e Vigo facilita o traslado de calquera mercancía por todo o mundo, ata os lugares máis afastados.